Ondarhez topatzeko, esperientziak partekatzeko, sareak ehuntzeko eta komunitatea sortzeko beharretik sortzen da, baina baita gure lanaren balioa ezagutaraztetik eta defendatzetik ere. Ondarhez elkartetik lanean ari diren pertsonei ikusgarritasuna eman nahi diegu, esperientziak partekatu, sareak osatu eta komunitatea sortzeko beharretik sortu baita, baina, era berean, gure lanaren balioa ezagutaraztetik eta defendatzetik. Elkartetik ikusgarritasuna eman nahi diegu museoetako eta ondarea aurkezteko guneetako hezkuntzaren arloan lan egiten dugunoi. Gure irudia funtsezkoa dela uste dugu.

Horregatik, Ondarhez gure lana bultzatzen lagunduko digun eta museoetako eta ondare-espazioetako hezkuntza-praktiken inguruko lankidetza eta ikerketa sustatuko dituen tresna bihurtzea nahi dugu. Ondarhez plataforma bat ere bada, eta, horri esker, lotuta egon gaitezke. Horren bidez, ondare hezkuntzak eta kultura-bitartekaritzak gizartearentzat duen garrantzia aldarrikatzen dugu.

1. Hezkuntzaren eta bitartekaritzaren arloan lan egiten duten pertsonen lanbide irudia aldarrikatzea ondarea aurkezten den eremu guztietan.

2. Lanbidearen onarpen soziala eta lanekoa bultzatzea eta bere eskubide eta interesen alde egitea, bakarka nahiz taldean.

3. Ondarea aurkezteko espazioen eta hezkuntza-komunitatearen arteko komunikazioa, ikerketa, lankidetza eta esperientzia-trukea sustatzea, baita hainbat motatako elkarte eta taldeekin ere.

4. Etengabeko lanbide prestakuntza bultzatzea.

5. Elkartearen eta administrazio publikoen eta beste erakunde batzuen arteko elkarrizketa erraztea, ondare-hezkuntzari buruzko politikak garatzeko.

6. Gizartearen eta ondarearen arteko loturak indartzen dituzten jarduerak zabaltzea.

7. Ondare-arloan genero-ikuspegiari buruzko hausnarketa sustatzea.